in pursuit of wisdom
May 18, 2010 4 Comments
मलाई त्यो कविता मन पर्दैन ।
भावशुन्य सरिता मन पर्दैन ।
शब्दहरु अर्थ सापटी माग्छन,
हो, यस्तो दरिद्रता मन पर्दैन ।
ठुलीभिर, आलो रगतले छोपिँदा,
गुराँसको रमिता मन पर्दैन ।
यथार्थता निचोरेर जन्मिएको,
कल्पितार्थ सविता मन पर्दैन ।
बाछिट्टाले निथ्रुक्क ‘प्रकाश’लाई,
चाँदको नविनता मन पर्दैन ।
Share This:
March 8, 2010 2 Comments
एक्लै हुन्छे, रातमा चाँदनी ।
चुपचाप, मातमा चाँदनी ।
अद्दित्तिय शितलता काफी
चाँहिदैन, हातमा चाँदनी ।
लठ्ठ हुँदा हेरेर त्यो रुप
पाउँछु म, माथमा चाँदनी ।
बादल त्यो उत्पात गर्जदा
निडर, बर्षातमा चाँदनी ।
छर्दाछर्दै ‘प्रकाश’ उसको
बिलाउँछे, प्रातमा चाँदनी ।
Share This:
January 16, 2010 3 Comments
फोक्कडको जिन्दगी चुरोटले पोल्छु अचेल ।
धुँवाको नशामा तिम्रो याद घोल्छु अचेल ।
समयको गतिसँगै मन एकोहोरो भएपछी,
तारा गन्दै रातमा शुन्यसँग बोल्छु अचेल ।
भित्री पीडा जिन्दगीको काव्यपान काँहा हो र
तैपनी व्यथा सबै गजलभित्र खोल्छु अचेल ।
पलपल श्वास फेर्न चुरोटनै चाहिएपछी,
गर्वसाथ आफुलाई रु पाँच मोल्छु अचेल ।
फोक्कडको जिन्दगी चुरोटले पोल्छु अचेल ।
धुँवाको नशामा तिम्रो याद घोल्छु अचेल ।
Share This:
January 6, 2010 2 Comments
गुमाइसँके जिन्दगीका ती चाँदनी रातहरु ।
बेदनाले छटपटिँदा साथ दिने हातहरु ।
उराठलाग्दो भयो जीवन, बुढो त्यो पिपल झैँ
बसन्तको सँघारमै झरे कोमल पातहरु ।
थाहा पाएँ अदभुत शक्ति, तिम्रो मीठो प्रितको
बुझ्ने को होला र अब म भित्रका उन्मादहरु ।
भाग्यको लीला थियो की, समयको कुनै चक्र त्यो
चोटपनी मीठा लाग्थे पाउँदा तिम्रा साथहरु ।
सुखी छैन मन मेरो, साँच्चै केही नपाएजस्तो
बियोगमै रमाउनेछु म, आओ न यादहरु ।
Share This:
October 31, 2009 5 Comments
भोको अघोरी बोकोजस्तो ठमेलको बर्बर त्यो
चुपचाप मोल्छ केटी, आहा! कती मीठो डर त्यो
देखाउँदै मोटो खल्ती, फिक्स गर्छ एक रातलाई
बैँशमत्त पुरुषको क्या घिनलाग्दो रहर त्यो
लुरुलुरु जान्छे केटी, एउटा बन्द कोठातिर
इच्छा र बाध्यता, दुइ जवानीको क्या अन्तर त्यो
पैसाको आविष्कार, सहमतिको बलात्कारपछी
कहाँ खोजोस त्यो अबेलाले आफु बुझ्ने नैहर त्यो
पैसाले जवानी त के, सत्य पनि किन्दो रहेछ
नत्र किन भन्थ्यो मन्त्री, “बिना बेश्याको शहर त्यो”
Share This:
August 18, 2009 3 Comments
मुटुसंग मुटु साट्नुपर्छ काली ।
उस्तैपरे दुनियाँ ढाट्नुपर्छ काली ।
अपुग हुंदा हाम्रा मौन रागले,
सोमरससंगै मातनुपर्छ काली ।
नश्वोर जीवन के नै भर छ र ?
प्यास मेट्दै बैँश काट्नुपर्छ काली ।
समय, यो एकपल पर्खदैंन …
सबचिज अब आँट्नुपर्छ काली ।
मुटुसंग मुटु साट्नुपर्छ काली ।
उस्तैपरे दुनियाँ ढाट्नुपर्छ काली ।
Share This:
June 27, 2009 11 Comments
म भोली मरे भने तिमी धेरै रुन्छौ होला ……
कैयौँ मान्छे भिडमा पनि तिमी एक्लो हुन्छौ होला ।
बिगत सम्झी कहिलेकाही अनायसै चित्त फाट्दा,
मन सम्हाल्नलाई तिमी मेरै तष्बिर छुन्छौ होला ।
कस्तो छ है, यो प्रकृतिको बिछुट्टै परीकल्पना …
मेरो अस्तित्व मेट्दै तिमी अर्को साथी चुन्छौ होला ।
जीवनभर माया पाउन उसको अगाँलोमा हराएपछी,
इच्छाको धागोले आफ्नो जिन्दगी बुन्छौ होला ।
खुशी रहनु प्रिया, तितो सत्य त्यही नै हो …
एकान्तमा फेरी हराउँदा हाम्रै प्रेमधुन सुन्छौ होला ।
म भोली मरे भने तिमी धेरै रुन्छौ होला ……
कैयौँ मान्छे भिडमा पनि तिमी एक्लो हुन्छौ होला ।
Share This:
June 24, 2009 1 Comment
हेर्दै थिएँ एउटै तारा टुट्यो आज राती…..
फगत सिसा रैछ मन पनि फुट्यो आज राती
अध्याँरोभित्र उज्यालो खोज्न मैँले थालेपछी
सपनाले इच्छाजती लुट्यो आज राती….
भेट्छु उसलाई भनी दौंडदा शुन्यताभित्र…
त्याग अनी समर्पणले कुट्यो आज राती
बग्दाबग्दै आँखाबाट सजल ती खोलाहरु,
भएभरका बिगतजती जुट्यो आज राती…
घुम्दैछु यादसहित चकमन्न यो संसार
यत्तिकैमा रातपनी सुत्यो आज राती…
हेर्दै थिएँ एउटै तारा टुट्यो आज राती…..
फगत सिसा रैछ मन पनि फुट्यो आज राती
Share This:
June 22, 2009 2 Comments
रगतको बाछिट्टाले फेरी ‘शान्ती’ लेख् न थालेछु ।
घरीघरी तर्सिरहन्छु, सपनामा बुद्द देख् न थालेछु ।
एकोहोरो लोडसेडिङमा आँखा अभ्यस्त भएपछी,
अध्याँरोमा पनि सबै चिज छर्लङ देख् न थालेछु ।
हराइसकेछ कपिलवस्तु, लुम्बिनिबाट आजकाल
अस्तित्व खोज्दै ईतिहासको आडमा सीमा छेक्न थालेछु ।
असहमतिभित्र सहमती खोज्न थालेपछी उनिहरुले,
भयंकर आश लीइ, जुलुश र सभा टेक्न थालेछु ।
रगतको बाछिट्टाले फेरी ‘शान्ती’ लेख् न थालेछु ।
घरीघरी तर्सिरहन्छु, सपनामा बुद्द देख् न थालेछु ।
Share This:
Recent Comments