Tag Archives: Gazals

गजल


सबैचिज तितो भो, तिम्रो भिषा लागेपछी ।iwl-05-loss-screen
समय नै छिटो भो, तिम्रो भिषा लागेपछी ।

बिस्तारै बिस्तारै,  हो हराए साथिभाई ।
शहर यो रित्तो भो, तिम्रो भिषा लागेपछी ।

पुराना वाचा तिम्रा, एक एक सम्झदैँछु ।
बिगत नै मीठो भो, तिम्रो भिषा लागेपछी ।

टुटेपछि सपना, आँखाहरु थाक्दारैछन् ।
रातै अनिदो भो, तिम्रो भिषा लागेपछी ।

मधेसमा हड्ताल, अस्थिर छ राजनीति ।
राष्ट्रै अनौठो भो, तिम्रो भिषा लागेपछी ।

अभाव नहोस् है, तिम्रा उन्नति खातिर ।
लौ मन मुटु धितो भो, तिम्रो भिषा लागेपछी ।

अनायसै जिन्दगीमा, काँचसरी ईच्छाहरु ।
धुलो पिठो भो, तिम्रो भिषा लागेपछी ।

Advertisements

गजल


मलाई त्यो कविता मन पर्दैन ।
भावशुन्य सरिता मन पर्दैन ।

शब्दहरु अर्थ सापटी माग्छन,
हो, यस्तो दरिद्रता मन पर्दैन ।

ठुलीभिर, आलो रगतले छोपिँदा,
गुराँसको रमिता मन पर्दैन ।

यथार्थता निचोरेर जन्मिएको,
कल्पितार्थ सविता मन पर्दैन ।

बाछिट्टाले निथ्रुक्क ‘प्रकाश’लाई,
चाँदको नविनता मन पर्दैन ।

Share This:

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Yahoo BuzzAdd to Newsvine

चाँदनी


एक्लै हुन्छे, रातमा चाँदनी ।
चुपचाप, मातमा चाँदनी ।

अद्दित्तिय शितलता काफी
चाँहिदैन, हातमा चाँदनी ।

लठ्ठ हुँदा हेरेर त्यो रुप
पाउँछु म, माथमा चाँदनी ।

बादल त्यो उत्पात गर्जदा
निडर, बर्षातमा चाँदनी ।

छर्दाछर्दै ‘प्रकाश’ उसको
बिलाउँछे, प्रातमा चाँदनी ।

Share This:

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Yahoo BuzzAdd to Newsvine